Anasyn balaǵattaǵan atyraýlyq 10 kúnge qamaldy
ATYRAÝ. QazAqparat - Atyraý oblysy Qyzylqoǵa aýdanynyń soty egde jastaǵy anasyn balaǵattaǵan er adamdy 10 kúnge qamaýǵa alý týraly sheshim shyǵardy, dep habarlaıdy «QazAqparat» HAA tilshisi.
«Atyraý oblysy Qyzylqoǵa aýdanynyń sotynda M. esimdi azamatqa qatysty ákimshilik quqyq buzýshylyq is qaraldy. Buǵan deıin de QR ÁQBK 73-baby, 1-bólimi boıynsha jaýapqa tartylǵan quqyq buzýshy bir jyl ótpeı jatyp, alkogoldi ishimdikke mas kúıinde egde jastaǵy anasyna balaǵat sózder aıtqan.
Sot jazany taǵaıyndaý barysynda onyń qorǵansyz janǵa qatysty quqyq buzýshylyqty qaıtalaǵanyn jáne sottaǵy tártipsizdigin nazarǵa aldy. Sot qaýlysymen quqyq buzýshy QR ÁQBK 73-baby, 1-bólimi boıynsha aıypty dep tanylyp, 10 táýlikke qamaldy», - dep habarlady Qyzylqoǵa aýdany sotynyń baspasóz qyzmetinen.
