Anasy men balasyn atý oqıǵacy: Polıtsııa túsinik berdi
AQTÓBE. QazAqparat - Aqtóbeniń Temir aýdanynyń ortalyǵy Shubarqudyqta anasy men balasyna oq atqan kúdiktiler ustaldy, dep habarlaıdy QazAqparat tilshisi.
«Temir aýdanynyń ortalyǵy Shubarqudyqta oq jaraqatyn alǵan eki adam oqıǵasyna qatysty tergeý jumystary bastaldy. Qylmystyq kodekstiń 24-baby 3-tarmaǵy, 99-baby 2-tarmaǵy jáne 1, 6-tarmaqshalary boıynsha sot aldy tergeý jumystary bastaldy. Kúdiktiler anyqtalyp, ustaldy. Qazirgi ýaqytta barlyq saraptama taǵaıyndaldy. Ózge aqparat tergeýge baılanysty qupııa saqtalady», - dedi Aqtóbe oblystyq Polıtsııa departamentiniń baspasóz qyzmeti.
Eske salsaq, 30 qazan kúni túnde anasy men balasyna bireýler oq atqandyǵy týraly habarlaǵan bolatynbyz.
