Anasy men áıelin óltirgen kúdikti Ózbekstanda týǵan
ShYMKENT. QazAqparat - Ońtústik Qazaqstan oblysynda anasy men áıelin óltirgen kúdikti Ózbekstannan kóship kelgeni anyqtaldy. Bul týraly Oblystyq ІІD baspasóz qyzmeti málim etti, dep habarlaıdy QazAqparat tilshisi.
Polıtseılerdiń málimetinshe, Shubarsý aýylynda 52 jastaǵy anasy men 23 jastaǵy áıelin baqılyq etken kúdikti 1990 jyly Ózbekstanda týǵan.
«Oqıǵa ornyna kelip jetken polıtseıler eki adamnyń máıitin anyqtady. Kúdikti óziniń 23 jastaǵy jubaıyna jáne ózimen birge turatyn 52 jastaǵy anasyna qastandyq jasaǵan. Atalǵan jaıt negizinde adam óltirý jaıty boıynsha SDTBT-ne tirkelip, sotqa deıingi tergeý amaldary júrgizilýde. Birneshe saraptamalar taǵaıyndaldy. Qazirgi tańda kúdikti qamaýda», - delingen habarlamada.
Aıta keteıik, qaıǵyly oqıǵa 23 aqpan kúni Ordabasy aýdanyndaǵy Shubarsý aýylynda bolǵan edi.
