Anasy eki egiz balasyn bes jyl boıy tońazytqyshta tyǵyp kelgen

Áıel balalardy jerlemek bolǵandyǵyn, biraq ony oılamaǵan jerden jumystan shyǵaryp tastaǵandyǵyn aıtady, dep habarlaıdy Ýtro.rý.

Reseıdiń Sredneýralsk qalasynda dúkendegi muzdatqyshtyń ishinen tabylǵan eki náresteniń ólimine qatysty tekserý júrgizilýde. Jańa týǵan egizderge óz anasynyń jábir kórsetkendigi anyqtalyp otyr. Áıel jasaǵan qylmysyn moıyndady, odan qaladan shyqpaý týraly qolhat alyndy.

Tergeý barysynda 30 jasar Irına tergeýshige 2008 jyly eki ul týǵandyǵyn aıtty. Ol balalardy bir táýlik páter balkonynda, keıin úıdegi tońazytqyshta, odan keıin osyǵan deıin jumys jasaǵan dúkenniń muzdatqyshynda saqtaǵan. Áıel josparsyz júkti bolyp qalǵanyn, anasynyń bul jaıtty qalaı qabyldaıtynyn bilmegendikten solaı jasaǵanyn aıtady.

«Anasynyń jańa týǵan náresteni óltirý» baby boıynsha qylmystyq is qozǵaldy. Sot-medıtsınalyq saraptama nátıjesi boıynsha, qaıtys bolǵan nárestelerdiń ekeýi de er bala bolǵandyǵy anyqtaldy. Olardyń ólimi sýyqta úsip ketýden bolǵan.

«ÝralInformBıýro» habarlaǵandaı, «Rospotrebnadzor» tekserýshileri bir jyl buryn «Tsentralnyı» gıpermarketinde tekseris júrgizgen, alaıda tekserý barysynda eshqandaı olqylyqtar tappaǵan kórinedi.