Anasy dúken aralap júrgende joǵalǵan: ShQO-da joǵalǵan 3 jasar bala tabyldy
ÓSKEMEN. QazAqparat – Shyǵys Qazaqstan oblysy Altaı aýdanynda joǵalǵan 3 jasar bala tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan áıel ulynyń joǵalǵanyn jetkizdi. Áıel dúken aralap, úıge azyq-túlik alyp júrgende 3 jasar balasy joǵalyp ketken. Óz betimen dúken mańaıyn qansha izdegenimen odan esh nátıje shyqpady.
«Polıtsııa qyzmetkerleri birden jedel-izdestirý sharalaryna kiristi. Sonyń nátıjesinde, kámeletke tolmaǵandar isteri jónindegi ınspektor Talǵat Saǵynǵanov búldirshindi úı aýlalarynyń birinen taýyp alǵan. Bala anasyn izdep jylap júrdi. Tártip saqshysy ony birden sheshesine jetkizdi», - dep habarlady vedomstvo ókilderi.
Kózine jas alyp, ulynyń aman-esen tabylǵanyna qýanǵan áıel jedel áreket etken polıtseılerge alǵysyn bildirdi.
