Anasy 15 jyl buryn joǵalyp ketken qyzyn YouTube arqyly tapty
ASTANA. QazAqparat - Qytaılyq Shandýn provıntsııasynyń turǵyny YouTube rolıginen úıinen 15 jyl buryn qashyp ketken qyzyn kórgen.
Onyń saýsaqtary men aıaqtarynyń tizeden tómen kesilgenin kórgen áıel qatty shoshynady. Anasynyń aıtýynsha, úıden qashyp ketkenge deıin Mý Kýıkýıdiń deni saý, aıaq qoldary bútin bolǵan, dep jazady South China Morning Post .
Esimi atalmaı otyrǵan áıel Jelidegi rolıkten Gýıchjoý provıntsııasyndaǵy Zýnı qalasynyń alańynda múgedek qyzdyń án salyp otyrǵanyn kóredi. Anasy qyzyn daýsynan tanyǵan. Aıtýynsha, ol úıden ketkenge deıin vokaldan sabaq alǵan kórinedi.
Mý Kýıkýı qashyp ketkenge deıin Shandýn provıntsııasyndaǵy Gýanrao okrýginde toqyma fabrıkasynda eńbek etken. 16 jastaǵy qytaılyq qyzdyń úıinen ne sebepti ketkeni naqtylanbaı otyr. Osy jyldar ishinde odan eshqandaı habar bolmaǵan.
Mý Kýıkýıdiń anasynyń paıymdaýynsha, jurttyń jany ashyp aqsha berýi úshin bireýler qyzyn ádeıi múgedek etýi múmkin.
Áıel Weibo áleýmettik jelisin paıdalanýshylardan qyzyn tabýǵa kómektesýdi suraıdy.
