Anastasııa Molchanova Azııa chempıonatynda skıt baǵdarlamasynda qola aldy

ASTANA. KAZINFORM - Shymkent qalasynda ótip jatqan Azııa chempıonatynda stend atýdan skıt baǵdarlamasynda áıelder arasynda Anastasııa Molchanova qola medal aldy.

QR Týrızm jáne sport mınıstrligi Sportty damytý dırektsııasynyń baspasóz qyzmetiniń habarlaýynsha, ulttyq qurama oıynshysy jarys barysynda 45 upaı jınap, úzdik úshtikti túıindedi.

Bul saıysta birinshi orynǵa qytaılyq Tszıan ıÝtın 57 upaımen ıe bolsa, onyń otandasy Che ıÝfeı (Qytaı) 56 upaımen ekinshi orynǵa jaıǵasty.

El quramasynan Adel Sadaqbaeva besinshi, Olga Haılova altynshy orynǵa taban tiredi.

Іrikteý nátıjesinde komandalyq saıysta Qazaqstan áıelder quramasy 339 upaımen kúmis júldege ıe boldy. Munda da Qytaı komandasy 342 upaımen top jarsa, Úndistan úshtikti túıindedi (329 ball).

Erler arasynda skıtten Ulttyq qurama sportshylary aqtyq synǵa shyǵa almady. Erteń skıt baǵdarlamasynda jasóspirimder júldege talasady.

Qurlyqtyq dodaǵa 29 elden 756 sportshy keldi. Olar eki aptaǵa jýyq ýaqyt boıy júldelerdi sarapqa salady.

Shymkent qalasy tórt jyl buryn pnevmatıkalyq qarýmen nysana kózdeýden Azııa chempıonatyn qabyldaǵan edi. Onda 20 memlekettiń 350-ge jýyq sportshysy qatysty. Qazaqstan 5 altyn, 7 kúmis jáne 6 qola medalmen jalpy esepte 1-oryn aldy.

Eske salsaq, budan buryn qazaqstandyq erkin kúres sheberi Kamıl Kýrýglıev (92 keli) Bolgarııanyń Samokov qalasynda ótip jatqan 20 jasqa deıingiler arasynda álem chempıonatynda kúmis júldeger atandy.