10:35, 02 Aqpan 2025 | GMT +5
Anastasııa Gorodko frıstaıl-mogýldan kúmis medal enshiledi
ASTANA. KAZINFORM — Jarys barysynda Gorodko jartylaı fınalda Frantsııanyń olımpıada chempıony Perrın Laffondy jeńdi, dep habarlaıdy Olympic.kz.

Frıstaıl-mogýldan Qazaqstan quramasynyń sportshysy Anastasııa Gorodko Kanadanyń Val-Sent-Kom kýrortynda ótken Álem kýbogygyń kezeńinde kúmis júldeger atandy.
Sportshy paralleldi mogýlda sátti óner kórsetti. Jarys barysynda Gorodko jartylaı fınalda Frantsııanyń olımpıada chempıony Perrın Laffondy jeńdi.
Sheshýshi jarysta qazaqstandyq sportshy AQSh ókili Djeılın Kaýfpen kezdesti. Nátıjesinde amerıkalyq sportshy basymdyq tanytty.
Qola medaldy Laffon ıelense, ıÝlııa Galysheva toǵyzynshy orynǵa, al Aıaýlym Ámrenova 13-orynǵa turaqtady.
Buǵan deıin Rýslan Madıev WBA Asia beldigin saqtap qalǵanyn jazǵan edik.