Anastasııa Gorodko frıstaıl-mogýldan eki márte úzdik bestikke endi

ASTANA. KAZINFORM – Halyqaralyq shańǵy sporty jáne snoýbord federatsııasy (FIS) frıstaıl-mogýldan álem kýboginiń úzdik sportshylarynyń aralyq reıtıngin jarııalady.

QR UOK málimetinshe, Qazaqstan quramasynyń ókili Anastasııa Gorodko ótken kezeńderdiń qorytyndysy boıynsha áıelder arasyndaǵy jalpy esepte úzdik ondyqqa endi.

2026 jylǵy Olımpıada oıyndarynyń qarsańynda otandasymyz mogýl saıysynda 150 upaımen besinshi orynda tur. Sondaı-aq ol parallel mogýlda 45 upaı jınap, besinshi orynda keledi.

Álem kýboginiń jalpy reıtınginde Anastasııa Gorodko 195 upaımen altynshy orynda tur.

Aıta keteıik, Olımpıada oıyndarynan keıin álem kýboginiń taǵy úsh kezeńi ótedi. Solardyń biri Almaty qalasynda uıymdastyrylady.

Osy maýsymda Gorodko álem kýbogi kezeńderinde bes ret úzdik ondyqqa endi (onyń ishinde eki márte besinshi oryn aldy). Sonymen qatar onyń enshisinde Frantsııada ótken halyqaralyq týrnırde jeńip alǵan eki altyn medal bar.

Aıta keteıik, shaıbaly hokkeıden Qazaqstan 18 jasqa deıingi qyzdar quramasy IIA dıvızıonynda ótip jatqan álem chempıonatyndaǵy tórtinshi oıynyn Nıderlandqa qarsy ótkizedi.

2026 jyly Italııada ótetin XXV qysqy Olımpıada oıyndaryna elordadan tórt sportshy qatysady. Bul týraly Astana qalasynyń dene shynyqtyrý jáne sport basqarmasy basshysynyń orynbasary Azamat Aǵzamov AKQ-da ótken baspasóz konferentsııasynda málimdedi.