Anastasııa Gorodko Frantsııada ótken týrnırde eki altyn medal jeńip aldy

ASTANA. KAZINFORM — Mogýlshy Anastasııa Gorodko Frantsııada ótken týrnırde eki altyn medal jeńip aldy. Bul týraly UOK baspasóz qyzmeti habarlady.  

Qazaqstan quramasy frıstaıl-mogýldan Frantsııanyń Tın qalasynda ótken halyqaralyq týrnırde tórt medal enshiledi.

Ulttyq quramanyń qorjynynda eki altyn jáne eki qola júlde bar.

Áıelder arasyndaǵy saıysta Anastasııa Gorodko eki márte jeńis tuǵyrynan kórindi.

Al Aıaýlym Ámrenova men Anton Bondarev qola júldege ıe boldy. 

Aıta ketelik qazaqstandyq tennısshiler Túrkııadaǵy týrnırde úzdik shyqqan edi.