Anastasııa Gorodko Aýstrııadaǵy halyqaralyq týrnırde altyn jeńip aldy
ASTANA. KAZINFORM — Qazaqstan quramasynyń ókili Anastasııa Gorodko Hıntertýks muzdyǵynda (Aýstrııa) ótken frıstaıl-mogýldan FIS Open halyqaralyq týrnıriniń jeńimpazy atandy, dep habarlaıdy UOK baspasóz qyzmeti.
Otandasymyz áıelder arasyndaǵy jarysta 74,04 upaı jınap, qarsylastarynan basym tústi. Ekinshi oryndy japonııalyq Mıo Tanı (71,41 upaı) ıelense, úzdik úshtikti taǵy bir Japonııa sportshysy Marın Ito (70,66 upaı) túıindedi.
Áıelder arasyndaǵy básekede Qazaqstan atynan ıÝlııa Feklıstova men ıÝlııa Mokına da óner kórsetti. Feklıstova 52,55 upaımen 13-orynǵa turaqtasa, Mokına 25,63 upaımen 22-satyǵa jaıǵasty.
Erler arasyndaǵy jarysta qazaqstandyqtardan Pavel Kolmakov úzdik nátıje kórsetti. Ol 72,34 upaı jınap, segizinshi orynǵa ıe boldy. Fedor Býgakov 66,49 upaımen onynshy oryn alsa, Maksım Emelıanov 65,69 upaımen 11-orynǵa turaqtady. Al Semen Rýsakov 62,60 upaımen 13-satyǵa jaıǵasty.
Sondaı-aq Danııl Korotkov 20-oryn, Ilnar Ibragımov 21-oryn, Alekseı Degtıarev 24-oryn jáne Dmıtrıı Pıatakov 43-oryn aldy.
Erler arasyndaǵy jarysta japonııalyq Taketo Nısıdzava 79,63 upaı jınap, jeńimpaz atandy. Ekinshi oryndy onyń otandasy Ikkeı Fýdzımýra (78,54 upaı) ıelense, taǵy bir japonııalyq Rema Haıası (75,56 upaı) úzdik úshtikti túıindedi.
Osyǵan deıin Anastasııa Gorodko aýyr jaraqattan keıin álemdik arenaǵa qalaı oralǵanyn jazǵanbyz.
