Anastasııa Gorodko álem kýbogynyń qola medaline qol jetkizdi

ASTANA. KAZINFORM – Almatydaǵy «Shymbulaq» taý shańǵysy kýrortynda ótip jatqan frıstaıl-mogýldan álem kýbogynyń kezeńinde otandasymyz Anastasııa Gorodko qola medalǵa qol jetkizdi. 

Naqtyraq aıtsaq, ulttyq qurama sportshysy parallel-mogýldan 3-orynǵa ıe boldy. Anastasııa kishi fınalda keshe jekeleı synda top jarǵan amerıkalyq Tess Djonsonnan ozyp ketti. 

Al, sýperfınalda Beıjiń Olımpıadasynyń kúmis júldegeri, álem chempıonatynyń 3 dúrkin kúmis júldegeri Djelın Kaýf pen Rıno ıAnagımoto (Japonııa) synǵa túsip, amerıkalyq jeńiske jetti. 

Taǵy bir otandasymyz, Phenchhan Olımpıadasynyń qola júldegeri ıÝlııa Galysheva shırek fınalǵa deıin jetip, Anastasııa Gorodkoǵa ese jiberdi. 

Al erler arasynda tanymal kanadalyq sportshy, Phenchhan Olımpıadasynyń chempıony, birneshe dúrkin álem chempıony Mıkael Kıngsberı jeńimpaz atandy. Japonııalyq Ikýma Horıshıma kúmis, Mett Graham (Aýstralııa) qola medal jeńip aldy.

Endi álem kýbogy frıstaıl-akrobatıka jarysymen jalǵasady.

Esterińizge sala ketsek, osyǵan deıin Anastasııa Gorodko álem kýbogynda altynshy orynǵa ıe bolǵanyn jazǵan edik.

Bul jarysta Qazaqstan quramasynyń atynan 8 sportshy baq synap jatyr. Atap aıtar bolsaq, bapkerler ıÝlııa Galysheva, Anastasııa Gorodko, ıÝlııa Feklıstova, Anastasııa Larıonova, Pavel Kolmakov, Anton Bondarev, Fedor Býgakov, Denıs Rastrýbalar el namysyn qorǵaýda.
Jarys baǵdarlamasyna sáıkes sportshylar mogýl, paralleldi mogýl jáne shańǵymen akrobatıka saıystarynda synǵa túsedi.

Jarysqa Aýstralııa, Kanada, Qytaı, Frantsııa, Japonııa, AQSh jáne Qazaqstandy qosa alǵanda jalpy 18 elden 100-den astam sportshy keldi.