Anasy men baýyryn qutqardy: Aqmola oblysynda jańa týǵan nárestege qutqarýshynyń esimi berildi

KÓKShETAÝ. KAZINFORM - Aqmola oblysynyń Ereımentaý aýdanynda jańa týǵan nárestege qutqarýshynyń esimi berildi.

Aqmola oblysy TJD baspasóz qyzmetiniń málimetinshe, bıylǵy jylǵy qańtardyń 10-da boranda Ereımentaý aýdandyq TJB bastyǵy Amangeldi Doskenov boranda adasyp qalǵan júkti áıel men onyń balasyn qutqarǵan.

«Qutqarylǵan áıel jaqynda mańdaıy torsyqtaı ul balany dúnıege ákeldi. Bul otbasyndaǵy jetinshi bala, halqymyz úshin jeti qasıetti san. Sol sebepti, ata-anasy qutqarýshyny perzenthanaǵa shaqyryp, ulyna Amangeldi esimin berdi», - dedi vedomstvodan.

Aıta ketsek, budan buryn Aqmola oblysynda boranda adasyp qalǵan júkti áıel men balasy qutqarylǵanyn jazǵan edik.