Anashymdy, ákemdi, baýyrlarymdy saǵyndym – Atyraýlyq dáriger Perızat Jangerova
ATYRAÝ. QazAqparat - Atyraý oblystyq jedel járdem stansasynyń dárigeri Perızat Jangerova atyraýlyqtardy saqtyq sharalaryn saqtaýǵa shaqyra otyryp vıdeo joldady, dep habarlaıdy QazAqparat.
Onyń aıtýynsha, tańerteń aýysymdy qabyldaǵan soń arnaıy qorǵanysh kıimin kıedi. Shaqyrý smartfon arqyly túsedi.
«Koronavırýs bastalǵaly bizdiń ómirimiz ózgerdi. Birinshiden, otbasymyzdy saǵyndyq. Biz úıge barmaımyz. Óıtkeni, qaýipti indet bolǵandyqtan, ózimiz de ýaıymdaımyz. Anashymdy, əkeshimdi, baýyrlarymdy saǵyndym. Shyny kerek, maǵan týystarym telefon soǵyp, «bəri ótirik ǵoı» dep senbeı jatady», - dedi dáriger.
Dáriger atyraýlyqtarǵa úıden shyqpaýdyń qajettigin aıttty.
«Aýa jetpeı qınalyp jatqan naýqastardy kórgende janyń ashıdy, júregiń aýyrady. Qaýipti indettiń ortasynda júrgendikten, qorqynysh bolady. Biraq, halyqty oılaımyz. Úıde otyraıyq, shydaıyq. Ózimiz úshin karantın talaptaryn, gıgıenany saqtaıyqshy»- dedi Atyraý oblystyq jedel jərdem stansasy №11 brıgadasynyń dərigeri Perızat Jangerova.
