Anashym, maska taqtyńyz ba: Erjan Maksım jańa chellendjdi qoldady

NUR-SULTAN. QazAqparat – Qazaqstandyq jas ánshi Erjan Maksım áleýmettik jelide #AnashymMaskaTaqtyńyzBa chellendjine qoldaý bildirdi, dep habarlaıdy QazAqparat tilshisi.

Buǵan deıin «Jas ulan» biryńǵaı balalar men jasóspirimder uıymynyń indet órshigen qazirgi ahýalǵa baılanysty jańa chellendj bastaǵany habarlanǵan edi.

Chellendjge qatysý úshin áleýmettik jelide anańyzben birge maska taǵyp túsken sýretti nemese vıdeony jarııalap, #AnashymMaskaTaqtyńyzBa heshtegin qoıyp, @jasulan_qz paraqshasyn belgileý qajet.

«Men «Jas ulan» biryńǵaı balalar men jasóspirimder uıymynyń #AnashymMaskaTaqtyńyzBa chellendjin qoldaımyn. Dostar, sizderdi de analarymyz ben jaqyndarymyzdyń qamqorlyǵy úshin uıymdastyrylǵan chellendjge qosylýǵa shaqyramyn», - dep jazdy jas ánshi Instagram paraqshasynda.

Erjan Maksım chellendjdi «Golos detı» shoýynyń jetinshi maýsymyna qatysqan Mırjan Jıdebaıǵa, bloger Amınka-Vıtamınkaǵa jáne ánshi Janar Duǵalovaǵa joldady.