Anardyń adam densaýlyǵyna paıdasy qandaı?
ASTANA. QazAqparat - Anar (granat) - kópjyldyq jemis aǵashy. Jerorta teńizi, Ortalyq Azııa, Kavkaz, Qyrym aımaqtarynda ósetin ejelgi jemis. Jemis aǵashynyń boıy 5-6 metrge deıin barady. 80 jylǵa deıin, keıde odan da kóp ómir súredi, 3-4 jastan keıin jemis beredi. Jemisin jerge túsirmeı turyp alady. Səýir aıynda gúldep, kúzde jemisin beredi.
Bul týraly massaget.kz jazady.
Anardyń shyryny men qabyǵyn medıtsınada kóptegen aýrýǵa qarsy qoldanady. Anar shyryny - qan azdylyqqa qarsy jaqsy em. Onyń quramy qant, tanınderge, S dərýmenine baı. Anar shyrynyn kúnde iship júrse, júrek, qan tamyrlarynyń qyzmeti jaqsarady. Sonymen qatar anar shyryny, ásirese ánshiler úshin óte paıdaly. Ol daýystyń taza, ári áýendi shyǵýyna kómektesedi. Sondaı-aq anar sýy shóldi basyp, dene qyzýy men arterııalyq qysymdy túsiredi, tábetti kóteredi.
Anar qabyǵyn keptirip, untaqtap, irińdep ketken jaraǵa qarsy qoldansa, tez jazylady. Jáne anardyń bir as qasyq untaǵyna bir as qasyq bal qosyp jazylmaı júrgen jaraǵa jaǵýǵa bolady. Anardyń gúlin jınap, keptirip, untaqtap, bir shaı qasyqty alyp, jarty lıtr sýǵa aralastyryp, aýyzdy, tamaqty shaıyp júrse, baspa aýrýyn ketirip, tis etteri jetile túsedi.
