Anar Jaıylǵanova jýrnalısterdi kásibı merekesimen quttyqtady

NUR-SULTAN. QazAqparat – QR Memlekettik qyzmet isteri agenttiginiń tóraǵasy Anar Jaıylǵanova BAQ ókilderin kásibı merekemen quttyqtady, dep habarlaıdy QazAqparat.

«Qurmetti buqaralyq aqparat quraldarynyń ókilderi! Sizderdi kásibı merekelerińiz – buqaralyq aqparat quraldary qyzmetkerleri kúnimen shyn júrekten quttyqtaımyn! Búgingi kúni elimizdiń buqaralyq aqparat quraldary azamattyq qoǵamnyń quramdas bólshegi retinde bılik pen buqaranyń arasyndaǵy dáneker ǵana emes, elimizdiń tolaǵaı tabystary men zor jetistikteriniń jarshysy bolyp keledi.

Memleket basshysy búgingi quttyqtaýynda atap ótkendeı, jahandyq turaqsyzdyq, atap aıtqanda, pandemııaǵa qarsy kúres kezeńinde sizderdiń qyzmetterińiz erekshe mańyzǵa ıe.

Jýrnalıst bolý qurmetti jáne jaýapty mindet. Árqashan jańashyldyqtyń jarshysy, jaqsylyqtyń habarshysy bolyp qoǵamdyq ahýaldyń alǵy qatarynda júretin qyzmetterińiz qurmetke laıyq!

Sizder elimizdiń memlekettik qyzmet salasyndaǵy iske asyrylyp jatqan mańyzdy jobalar men bastamalardy aqparattyndyrý jumysyna, azamattardyń memlekettik organdardyń qyzmetine degen senimin nyǵaıtýǵa qosqan úlesterińizben eńbekterińiz úshin alǵys bildiremin.

Sizderge zor densaýlyq, shyǵarmashylyq tabys, qyzmetterińizge jańa jetistikter tileımin!»,-delingen habarlamada.