Anar Jaıylǵanova memqyzmetshilerge úndeý joldady

NUR-SULTAN. QazAqparat - Memlekettik organ basshylary qyzmetshilerdiń densaýlyǵyn jáne kúndelikti qyzmetterdi tolyqqandy oryndaý qabiletin saqtaýǵa jaǵdaı jasaýy tıis. Bul týraly QR Memlekettik qyzmet isteri agenttiginiń tóraıymy Anar Jaıylǵanova aıtty, dep habarlaıdy QazAqparat tilshisi.

«Osy kezeńde bizdiń otandastarymyzdyń jaılylyǵy memlekettik organdarǵa baılanysty. Alaıda, qazir memlekettik mekemelerdiń úzdiksiz jumys isteýi úshin memlekettik qyzmetshilerdiń densaýlyǵyn saqtaýǵa kóńil bólý de óte mańyzdy. Osyǵan baılanysty aǵymdaǵy jaǵdaıǵa qaramastan óz mindetterin kúndelikti jáne adal oryndap júrgen memlekettik qyzmetshilerge úndeý joldaǵym kelip otyr», - dedi Anar Jaıylǵanova.

Osy rette agenttik tóraıymy memlekettik qyzmetshilerge Dúnıejúzilik densaýlyq saqtaý uıymynyń jańa koronavırýstyq ınfektsııasynyń aldyn alý jónindegi usynymdaryn qatań ustaýǵa shaqyrdy.

«Gıgıena erejelerin saqtaý áriptesterińizdiń jáne azamattarymyzdyń arasynda COVID-19 taralmaýyna kómektesedi. Qalyptasqan jaǵdaı koronavırýstyq ınfektsııanyń taralý qaýpin tómendetýge múmkindik beretin qosymsha qaýipsizdik sharalaryn qabyldaýdy talap etedi. Osyǵan baılanysty memlekettik organ basshylaryn memlekettik qyzmetshilerdiń densaýlyǵyn jáne kúndelikti qyzmetterdi tolyqqandy oryndaý qabiletin barynsha saqtaýǵa múmkindik beretin jaǵdaı jasaýǵa shaqyramyz», - dedi ol.