Anar Jaılǵanova Birikken Arab Ámirlikteri elshisimen kezdesti
MQІA tóraǵasy elshige memlekettik qyzmetterdi tsıfrlandyrý máselelerindegi jáne memlekettik qyzmet júıesindegi ózgerister týraly aqparat berdi.
«Tuńǵysh Prezıdent-Elbasy memlekettik basqarý salasynda tsıfrlandyrý men jańa tehnologııalardy qoldanýǵa kóp kóńil bóledi. El Prezıdenti sondaı-aq memlekettik qyzmetter men jalpy ekonomıkany tsıfrlandyrýdyń mańyzdylyǵyn atap ótti. Jyl basynda El Prezıdenti Birikken Arab Ámirlikterine resmı saparmen baryp, Dýbaıdy álemdik qarjy jáne týrıstik ortalyqtarydyń birine aınalýǵa múmkindik bergen sizdiń elińizde júrgizilgen reformalarǵa joǵary baǵa berdi. Memleket basshysy bizdiń aldymyzǵa «Halyq únine qulaq asatyn memleket» aıasyndaǵy qyzmetimizdi qaıta qurý jóninde úlken mindet qoıdy. Bizdiń barlyq qadamdarymyz halyqtyń ómir súrý sapasyn jaqsartýǵa, onyń ishinde memlekettik qyzmetterdi alý kezinde azamattar úshin barynsha qolaılyqty qamtamasyz etýge baǵyttalýy tıis. Biz úshin jasandy ıntellekt qoldanýdaǵy sizdiń elińizdiń tájirıbesi qyzyqty, sebebi sizderde álemdegi alǵashqy Jasandy ıntellekt ýnıversıteti ashyldy. Ekonomıkanyń túrli sektorlaryn damytý boıynsha, sonyń ishinde tsıfrlandyrý jáne jasandy ıntellektti damytý boıynsha tásilderińizdi egjeı - tegjeıli zertteý úshin qazaqstandyq delegatsııanyń BAÁ-ge sapary josparlanýda», - dep atap ótti ol.
BAÁ sapary barysynda «Smart Dýbaı» Keńsesiniń, Abý-Dabı memlekettik akseleratorynyń jumys tájirıbesin, Jasandy ıntellekt ýnıversıtetiniń qyzmetin zertteý boıynsha birqatar kezdesýler josparlanýda.
Óz kezeginde BAÁ-niń Qazaqstandaǵy Tótenshe jáne Ókiletti Elshisi sapar barysynda BAÁ mınıstrler kabınetiniń jáne bolashaq isteri jónindegi mınıstri Mýhammed Abdýlla al-Gergavımen, BAÁ-niń baqyt jáne amandyq máseleleri jónindegi memlekettik mınıstri jáne premer-mınıstr keńsesiniń bas dırektory Ohýd bınt Halfan Al Rýmı myrzamen kezdesýler josparlanǵanyn atap ótti.
Mohammad Ahmad Sultan Essa Aldjaberdiń aıtýynsha, baqyt BAÁ ulttyq saıasatynyń maqsattarynyń biri boldy. Áleýmettik taldaý jáne derekterdi zertteý salasyndaǵy jetistikter baqytty sandyq baǵalaýǵa berilýine ıe boldy jáne bul memlekettik bılik organdaryna onyń ekonomıkalyq qundylyǵyn eskerýge múmkindik berdi. Baqyt deńgeıin anyqtaý úshin memlekettik qyzmetterdiń sapasyna mańyzdy ról beriledi.
Onyń aıtýynsha, BAÁ qazaqstandyq delegatsııasynyń sapary aıasynda memlekettik qyzmetti jetildirý máseleleri boıynsha odan ári yntymaqtastyq týraly memorandým jobasyn talqylaý josparlanǵan.
Sonymen qatar, qazaqstandyq memlekettik qyzmetkerlerdi Jasandy ıntellekt ýnıversıtetinde oqytý múmkindigin qarastyrý usynyldy.
Kezdesý sońynda agenttik tóraǵasy qoǵamdyq dıalog, halyqtyń qajettiliginiń ashyqtyǵy men tıimdi sheshimi memlekettik organdar qyzmetindegi basty basymdyqtarǵa aınalatynyn atap ótti:
«Qazir biz memlekettik qyzmettiń ınnovatsııalyq modeline kóshý máselelerin pysyqtap jatyrmyz, onyń negizgi quramdastary: tutynýshyǵa baǵdarlaný, utqyrlyq, básekege qabiletti kadrlar úshin tartymdylyq jáne adamı resýrstardy tıimdi bólý bolyp tabylady. Osy mindetterdi eskere otyryp, bizge sizdiń elińizdiń tájirıbesi óte qyzyqty», - deıdi ol.
Taraptar bilim men tájirıbe almasý, azamattardyń ıgiligi úshin memlekettik basqarýdy jetildirý máselelerin talqylaý úshin áleýetti arttyrý maqsatynda yntymaqtastyqty odan ári nyǵaıtý týraly kelisti.
