Ananyń bilim deńgeıi men jasy balasynyń oqý úlgerimine áser etedi
ASTANA. QazAqparat - Mıchıgan Ýnıversıtetiniń ǵalymdary 1998 jyly balabaqshaǵa baryp, 2007 jyldyń kóktemine deıin zertteýge qatysqan balalardyń málimetterin baǵalady.
14279 oqıǵada zertteýshiler qatysýshylardyń úshinshi, besinshi jáne segizinshi synyptardaǵy matematıka jáne oqýdan ortasha baldaryn bildi. Olar analardyń óz balalarynyń oqý úlgeriminen qandaı nátıje kútkenin, otbasynyń tabysy men basqa faktorlardy esepke aldy, dep baıandaıdy Psych Central.
Zertteýshilerdiń anyqtaýynsha, balalaryn 19 jáne odan da eresekteý jasynda dúnıege ákelgen analardyń balalary balabaqshada tabysty boldy. Budan basqa, olardyń 18 jasta jáne odan erterek bosanǵan áıelderdiń balalaryna qaraǵanda oqýǵa, matematıkaǵa qabileti jaqsy damyǵan. Osylaısha, áıeldiń balany jasóspirim jasynda dúnıege ákelýi onyń jetistikterine, keıinnen tabysty bolýyna keri áserin tıgizetini anyqtaldy. Balany dúnıege ákelgennen keıin bilim alýyn jalǵastyrǵan jasóspirim analardyń balalarynyń úlgerimi jaqsyraq boldy. Olaı bolǵanymen, balalardyń ózderi de, olardyń baýyrlary da úlgerim boıynsha qurdastaryna jete almady. Olar bilimin aıaqtaǵasyn bosanǵan analardyń balalaryna qaraǵanda sabaqty nashar oqydy. Sondaı-aq ǵalymdar jasóspirim kezinde bosanǵan analardyń orta mektep pen ýnıversıtettegi oqý úlgerimi bilimin aıaqtaǵan analardikine qaraǵanda nashar bolǵanyn anyqtady.
