«Anandıdiń» qazasyna onyń súıiktisi sebepker bolýy múmkin
ASTANA. KAZINFORM - «Kelin» telehıkaıasynyń bas keıipkeriniń rólin somdaǵan Bollıvýd juldyzy Pratıýsha Banerdjı súıiktisiniń úıinde asylyp qalǵan edi.
Jergilikti BAQ taratqan málimetterge sáıkes, Pratıýsha Banerdjıdiń denesin onyń súıiktisi - ártis ári teleprodıýsser Raýl Sıngh tapqan. Boıjetken shuǵyl aýrýhanaǵa jetkizilgen, biraq dárigerler onyń qaıtyp ketkenin aıtqan, dep jazady peopletalk.ru.
Indian express-tiń málimetine sensek, ózine qol salǵan boıjetken men onyń birge shańyraq kótergeli júrgen jigitiniń arasynda kelispeýshilik bolǵan. Budan bólek, polıtseıler Pratıýsha Banerdjımen baılanysy, qandaı da bir kelispeýshiligi bolǵan barlyq er adamdardy tergeıtinin málim etti.
Marqum aktrısanyń dostary onyń súıiktisimen jıi ursysatyn bolǵanyn, tipti keıde tóbelesip qalatynyn aıtqan.
