Ananas dámdi qulpynaı satylymǵa tústi
ASTANA. Sáýirdiń 5-i. QazAqparat - Brıtandyqtardy tamaqtyń erekshe túrlerimen tań qaldyryp júrgen tanymal "Ýeıtroýz" sýpermarketter jelisi klıentterine taǵy bir tosyn syılyq ázirledi. Sýpermarketter jelisiniń 45 dúkenine «ananas jıdegi» dep atalatyn ananas dámdi aq qulpynaı tústi,
dep habarlaıdy ITAR-TASS agenttigi.
Bul jıdek - sonaý XVIII ǵasyrda Ońtústik Amerıkada tabıǵı býdandasýdyń nátıjesinde paıda bolǵan jabaıy qulpynaıdyń bir túri. Eger, osydan jeti jyl buryn golandııalyq fermerler ony satý úshin ósire bastamaǵanda, bul jıdek jer betinen joǵalyp keter me edi, kim bilsin.
Jıdekter oranjereıada pisip-jetile kele, aq túske boıalady jáne ol ananastyń dámi men ıisine ıe.
