«Anamnyń qalaýy edi» – Habıb Nurmagomedov sporttan ketti
NUR-SULTAN. QazAqparat – Jeńil salmaqtaǵy UFC chempıony Habıb Nurmagomedov mansabyn aıaqtady, dep habarlaıdy QazAqparat tilshisi.
Habıb Nurmagomedov UFC týrnırindegi chempıondyq ataǵyn qorǵaǵan soń málimdeme jasady. Sportshy óziniń sporttyq mansabyn aıaqtaıtynyn jetkizdi.
«Bul meniń sońǵy jekpe-jegim boldy. Maǵan UFC basshylary qońyraý shalyp, Djastınmen tóbelesetinimdi aıtqanda, anammen úsh kún boıy aqyldastym. Ol kisi ákem joqta tóbeleskenimdi qalamady. Bul meniń sońǵy aıqasym bolatynyna ýáde berdim. Ýáde bergen soń ony oryndaımyn. Búgin UFC týrnırimen qoshtasamyn», – dedi Habıb.
Sondaı-aq sportshy UFC basshylary men bapkerlerine, komandalastaryna alǵysyn jetkizdi.
«Barlyqtaryńyzǵa rahmet! Bir ǵana aıtarym – jaqyndaryńyzdyń janynda bolyńyzdar!», - dep sózin aıaqtady chempıon.
Eske salsaq, Habıb Nurmagomedov qarsylasyn ekinshi raýndta jeńdi.