«Anamdy izdestirý jolynda» qazaq-qyrǵyz jańa komedııasynyń treıleri shyqty
ASTANA. QazAqparat - «Anamdy izdestirý jolynda» atty qazaqstandyq-qyrǵyzstandyq jańa fılmniń treıleri shyqty, dep habarlaıdy QazAqparat.
Balalar úıinde tárbıelenip jatqan daryndy ul anasyn izdep-tabý úshin Amerıkaǵa attanady. Ol sapary barysynda basynan túrli oqıǵalar ótedi. Fılmniń janry - komedııa jáne áleýmettik drama. Basty rólderdi Azamat Ulanov, Táýekel Múslim, Maıkl Mapongo jáne basqalary somdaıdy.
«Anamdy izdestirý jolynda» kartınasyn qyrǵyzdyń «Salam, Nıý-Iork» jáne «Bırtýýganchık» komedııalarynyń avtorlary túsirgen. Rejısseri - Rýslan Akýn, bas prodıýseri - Nurbek Aıbashov, stsenarıı avtorlary - Bakyt Osmonkanov, Jenısh Maırambek ýýlý.
Fılm 2017 jyldyń 9 aqpany kúni Qazaqstan men Qyrǵyzstannyń barlyq kınoteatrlarynda kórsetile bastaıdy. Áý-basta kartınany prokatqa 1 qańtar kúni shyǵarý josparlanǵan bolatyn. Biraq Táýekel Múslimniń Instagramda jazýynsha, fılmniń túsirilimine aty atalmaǵan asa tanymal tulǵalardyń birin tartý múmkin bolǵandyqtan, onyń premerasynyń datasy aýystyryldy.
Mine dostar, kınonyń qysqasha treıleri🎬 Alla jazsa, tolyq nusqasyn 9 aqpannan bastap barlyq kınoteatrlardan tamashalaı alasyzdar!) #VPoıskahMamy ・・・ Treıler fılma "V poıskah mamy" Premera: 9 fevralıa 2017 g. 🎬 Kazahstan, Kyrgyzstan, Amerıka Rejısser: Rýslan Akýn Gl.prodıýser: Nýrbek Aıbashov Stsenarısty: Bakyt Osmonkanov, Jenısh Maırambek ýýlý Gl. rolıah: Azamat Ýlanov, Taýekel Mýsılım, Maıkl Mapongo ı dr.
