Analogtik jáne sandyq efırlik televızııanyń habar taratýy QazSat-2 rezervtik spýtnıgine aýystyryldy
ASTANA. QazAqparat - Intelsat-904 baılanys spýtnıginiń qyzmetinde olqylyqtar týyndap, Otaý TV abonentteri úshin teleradıo habarlaryn taratý júıesi buzylǵan soń «Qazteleradıo» AQ jer ústilik jelilerin QazSat-2 rezervtik spýtnıgine aýystyryp jatyr. Bul týraly «Qazteleradıo» AQ baspasóz qyzmetinen habarlady.
Jaǵdaıdy ońaltý úshin «Qazteleradıo» AQ mamandary shuǵyl túrde jer ústilik jelilerin QazSat-2 rezervtik spýtnıgine aýystyrdy.
Analogtik jáne sandyq efırlik habar taratý QazSat-2 spýtnıginen júzege asyrylady. Kabeldi televıdenıe operatorlary qabyldaý qurylǵysyn QazSat-2 spýtnıgine baılanystyrý boıynsha tehnıkalyq jumystardy júrgizip jatyr. Intelsat-904 baılanys spýtnıginiń jumysynda týyndaǵan aqaýlyqty Intelsat Global kompanııasy anyqtaýda.
