Analıtıkalyq kredıttik reıtıng agenttigi Qazaqstan reıtıngin BBB+ deńgeıinde rastady
NUR-SULTAN. QazAqparat - Analıtıkalyq kredıttik reıtıng agenttigi (AKRA) Qazaqstannyń kredıttik reıtıngin BBB+ deńgeıinde rastady, boljam «turaqty». QazAqparat bul týraly primeminister.kz saıtyna silteme jasap habarlaıdy.
«AKRA Qazaqstan Respýblıkasy Úkimetiniń sheteldik jáne ulttyq valıýtadaǵy uzaq merzimdi kredıttik reıtıngin VVV+ deńgeıinde rastady.
Uzaq merzimdi kredıttik reıtıng boıynsha boljam – «Turaqty». «Turaqty» boljam eń joǵary yqtımaldyq úlesimen 12-18 aı aralyǵynda reıtınginiń ózgermeıtindigin boljaıdy.
AKRA jańartylǵan esebine sáıkes, baǵalaý turaqtylyǵynyń faktorlary a.j. ekonomıkanyń joǵary ósý qarqyny, ulttyq ekonomıkaǵa tikeleı sheteldik ınvestıtsııalardyń eleýli aǵymy, memlekettik boryshtyń tómen deńgeıi, eleýli ulttyq rezervtermen nyǵaıtylǵan ornyqty syrtqy ustanym boldy», - delingen habarlamada.
Málimetke súıensek, AKRA 2021 jyly ekonomıkalyq ósýdiń 3,9% deıin qalpyna kelýin kútýde. AKRA baǵalaýy boıynsha, el ekonomıkasynyń ósý áleýeti joǵary bolyp qalýda jáne jylyna shamamen 4-4,5% quraıdy.
«Sonymen qatar, turaqtylyq faktorlary retinde AKRA qoǵamdyq ta, memlekettik te ınstıtýttar sapasyndaǵy oń dınamıkany atap ótedi.
Adamı kapıtaldy turaqty arttyrý uzaq merzimdi oń áser etetin taǵy bir faktor bolyp tabylady. Dúnıejúzilik bank pen BUU-nyń sońǵy baǵalaýlaryna sáıkes Qazaqstannyń adamı kapıtal ındeksi Ortalyq Azııa elderi boıynsha ortasha deńgeıden asyp túsedi jáne sanaty boıynsha salystyrmaly elder toby reıtınginiń sheńberinde neǵurlym joǵary kórsetkishterdiń biri bolyp tabylady», - delingen QR Premer-Mınıstri saıtynda.
Aıta keteıik, AKRA Máskeýde 2015 jyldyń 20 qarashasynda Reseı Bankiniń sheshimimen quryldy. Aktsıonerler 27 reseılik kompanııa men qarjy ınstıtýttary, sonyń ishinde «Raıffaızenbank», «Sberbank», «Alfa-Bank», «Gazprombank», «Moskovskaıa Bırja MMVB-RTS».
