Analar men balalardyń ómir súrýi úshin eń qolaıly el anyqtaldy
ASTANA. QazAqparat - Fınlıandııa analar men balalardyń ómir súrýi úshin eń qolaıly el bolyp tanylǵan.
Bul el ekinshi jyl qatarynan «Balalardy qutqaryńdar» halyqaralyq qoǵamdyq uıymnyń barlyǵy 178 eldi qamtıtyn reıtıngisinde alǵashqy oryndy ıelenip otyr, dep jazady ITAR-TASS.
Baǵalaý negizgi bes kategorııa boıynsha júzege asyrylǵan. ıAǵnı, onda analardyń densaýlyǵynyń kúıi, sábılerdiń tym erte shetinep ketý qateri, bilim deńgeıi, eldegi tabys deńgeıi jáne áıelderdiń saıası jaǵdaıy eskerilgen. Atalmysh kórsetkishter boıynsha Fınlıandııa joǵary satyǵa kóterilmegenimen, barlyq sanattar boıynsha on bestiktiń qataryna engen jalǵyz el boldy. Reıtıngte basa kóńil bólingen basty faktorlardyń biri - ólim-jitim deńgeıi. Ol Fınlıandııada eń tómengi kórsetkishti kórsetti: munda 345 balanyń tek bireýi ǵana 5 jasqa deıin ómirmen qosh aıtysady eken. Al eń tómengi kórsetkish Norvegııada tirkelgen - onda 357 balanyń bireýi esemeı jatyp ólimge ushyraıdy.
Sondaı-aq Fınlıandııadan keıingi oryndarǵa ıe bolǵan Shvetsııa, Islandııa, Nıderland jáne Danııa da analar úshin qolaıly elder dep tanyldy.
Bul kórsetkishteri boıynsha eń sońǵy oryndy Somalı memleketi aldy. Onda eldegi ómir súrý jaǵdaılarynyń tómendiginen árbir jetinshi bala bes jasqa tolmaı-aq ajal qushady eken. Sonymen qatar uıym ókilderi soǵystar men tabıǵı apattar jıi oryn alatyn elderde analar men balalardyń ólimi 14 esege deıin artatynyn atap ótedi.
