Analar keńesiniń I Respýblıkalyq forýmyna qatysýshylar QR Prezıdentine Úndeý joldady
ASTANA. QazAqparat - Búgin Astanada Qazaqstan halqy Assambleıasynyń uıymdastyrýymen Analar keńesiniń otbasylyq turaqtylyq máseleleri boıynsha I Respýblıkalyq forýmy ótti. Analar keńesiniń respýblıkalyq forýmyna qatysýshylar osy jıyn barysynda Qazaqstan Respýblıkasynyń Prezıdenti N.Á.Nazarbaevqa Úndeý joldady. QazAqparat HAA Úndeýdiń tolyq mátinin usynady.
*** Qazaqstan halqy Assambleıasy
Analar keńesiniń respýblıkalyq forýmy qatysýshylarynyń
Qazaqstan Respýblıkasynyń Prezıdenti N.Á.Nazarbaevqa
ÚNDEÝІ
Asa qadirli Nursultan Ábishuly!
Biz, Qazaqstan halqy Assambleıasy Analar keńesiniń respýblıkalyq forýmynyń qatysýshylary, elimizdiń Tuńǵysh Prezıdenti Kúniniń qarsańynda, Ult Kóshbasshysy - Elbasymyzǵa búkil qazaqstandyq analardyń atynan balalarymyzǵa, otbasylarymyzǵa, bolashaǵymyzǵa jasap otyrǵan qamqorlyǵyńyz úshin zor alǵysymyzdy jáne shynaıy qurmet sezimimizdi bildiremiz.
«Mereıli Otbasy» konkýrsynyń jeńimpazdarymen kezdesý barysynda Siz «elimiz - birtutas otbasy qurǵan úlken ári myqty Beıbitshilik pen Kelisim Úıi», - dep aıttyńyz.
Sizdiń keń júregińizde elimizdiń árbir azamatyna oryn tabylady. Bul - qasıetti aqıqat! Bul - tarıh pen ýaqyt synynan ótken, ispen dáleldengen shyndyq! Bul týraly sanamyzǵa senimdilik jáne rýhymyzǵa úmit uıalatqan Sizdiń «Nurly Jol - bolashaqqa baǵyt» Joldaýyńyz aıtyp otyr. Osy úshin Sizge alǵysymyzdy bildiremiz.
Otbasy oshaǵyn óshirmegen, biz, memlekettiń Táýelsizdigi, urpaǵymyzdy tárbıeleý, otbasy ınstıtýtyn, ár úıde beıbitshilik pen kelisimdi nyǵaıtý úshin jaýapkershilikti júrekpen sezinemiz. Toleranttylyq pen dostyqty qalyptastyrýdaǵy jáne elimizde turaqtylyqty qamtamasyz etýdegi ózimizdiń analyq mıssııamyzdy abyroımen atqaryp kelemiz.
Ana júregi óz eliniń, óz balalarynyń jáne jaqyndarynyń tabystary men qıynshylyqtaryn jaqsy sezedi.
Sondyqtan, biregeı týyndy - Siz qurǵan Qazaqstan halqy Assambleıasy shańyraǵynyń astynda birigip, tek birlese otyra qıynshylyqtardy jeńip, ál-aýqatty el bolyp, jetistikterimizdi maqtanysh etetinimizge nyq senemiz.
Joldaýda Siz «búkil qazaqstandyqtardyń arasynda senimdi kúsheıtýimiz, bir-birimizge tolerantty bolýymyz, etnosaralyq kelisimdi, jalpyhalyqtyq ıgilik bop tabylatyn turaqtylyqty nyǵaıtýymyz, otbasy qundylyqtaryn saqtaýymyz qajet» , - dep erekshe atap óttińiz.
Biz, áıelder men analar, Sizdi jaqsy kóremiz jáne salıqaly saıasatyńyzdy maqtan tutamyz. Ortaq maqsatymyz - beıbitshilik, amandyq jáne Qazaqstannyń gúldenýi úshin bar kúsh-jigerimizdi salamyz.
Osyndaı Prezıdenti bar halyq baqytty ekendigin maqtanyshpen málimdeımiz! Prezıdentimizben birge, alǵa Qazaqstan!!!
Biz Sizdi, otbasyńyzdy jáne Qazaqstannyń búkil halqyn Tuńǵysh Prezıdent Kúnimen quttyqtaımyz. Densaýlyq pen uzaq ǵumyr tileımiz!
Astana qalasy, 2014 jylǵy 13 qarasha
