Analar keńesi Qazaqstanda pedıatrııa ınstıtýtyn jandandyrýdy usyndy
"Bizde ondaı mamandar tapshy bolǵanyna qaramastan, pedıatrııa fakýltetterin japqanymyzǵa jol bolsyn. Jalpy tájirıbege ıe dárigerler bar dep syltaýratamyz. Analar keńesinde pedıatrııa fakýltetterin qaıta jandandyrýdy usynaıyq. Bizdiń Densaýlyq saqtaý mınıstrligi álemdik tájirıbe boıynsha damytýdy sheshti. Jalpy tájirıbe dárigerleri bar. Keıin olar belgili bir mamandyqtardy tańdaıdy, eger bireý pedıatr bolǵysy kelse, taǵy eki jyl oqıdy", - dedi depýtat.
Z. Balıeva osy turǵyda ózimizdiń dara jolymyzdy qalyptastyrý qajettigin atap ótti. Onyń aıtýynsha, balalar eresek aýrýlarmen bir bólmede emdelmeýleri shart.
"Biz álemdik tájirıbemen emes, ózimizdiń modelmen júreıik. Olar 5-7 jyl pedıatrııaǵa mamandanyp, taǵy eki jyl jalpy dárigerlikke oqysyn. Sebebi pedıatr eresek adamdardy da jaza alady, al terapevt balany emdeı almaıdy", - deıdi ol.
Depýtat atalmysh suraqty qazan aıynda Premer-Mınıstrdiń qatysýymen bolatyn talqylaýda Analar keńesi atynan kóteretinin aıtty. Bul usynys analar keńesinde qyzý qoldaýǵa ıe boldy.
