«Anaǵa aparar jol» tarıhı dramasy telearnalardan kórsetiletin bolady
18 jeltoqsan kúni saǵat 22:10 fılm KTK telearnasynan kórsetiledi. Reseı, Grýzııa, Armenııa, Ázerbaıjan, Ózbekstan, Tájikstan, Qyrǵyzstan, Túrkmenstan eli tarıhı dramany reseıdiń ortalyq arnasy «Pervyı kanal. Búkilálemdik jeli» jáne «Vremıa» telearnasynan jeltoqsannyń 17 men 18 kúnderi kóredi.
El táýelsizdiginiń 25 jyldyǵyna arnalǵan kınokartına qazaqstan kınematografııasyndaǵy biregeı týyndy bolyp sanalady. Rejısser Aqan Sataevtyń ıdeıasyn qoldaǵan Álııa Nazarbaeva, tarıhı dramanyń keń kólemdi qamtıtyn kartına bolyp shyǵýyna múmkindik jasady. Bir ǵana qazaq otbasynyń basyna túsken qıyndyq arqyly 1930 jyldardaǵy kúlli halyq taǵdyry sýretteledi. Anasynan ajyrap qalǵan bas keıipker surapyl soǵysty kóredi. Túrli qıyndyqtarǵa qaramastan óz úıine oralýǵa tyrysady. 
«Anaǵa aparar jol» kartınasy halyqaralyq deńgeıde joǵary baǵaǵa ıe boldy. ıAltada ótken «Evrazııskıı most» kınofestıvalinde fılm Gran-prı jeńip aldy. Eń úzdik áıel róli nomınatsııasy boıynsha basty róldi somdaǵyn Altynaı Nógerbek úzdik dep tanyldy. Qyrkúıek aıynda Almatyda ótken halyqaralyq «Evrazııa» kınofestıvalinde Ulttyq kınematografııalyq óner jáne ǵylym akademııasynyń alǵashqy «Tulpar» premııasy tabystaldy. «Úzdik áıel róli» nomınatsııasy boıynsha taǵy da Altynaı Nógerbek jeńimpaz atandy. «Úzdik operatorlyq jumys» nomınatsııasy boıynsha fılmniń qoıýshy-operatory Hasan Qydyralıevke teń keler eshkim bolmady.
Sonymen qatar fılmdi jasaýshylar qazir ýaqytta týyndynyń Gala-kórsetilimin Túrkııa astanasy Ankarada jergilikti ıntellıgentsııa men bıznes ókilderine uıymdastyrý jumystarymen aınalysýda. Mundaǵy maqsat - túrkııalyq kórermenderge Qazaqstannyń tarıhy men mádenıetin tereńrek tanytý. Sondyqtan jeltoqsan aıynyń sońynda uıymdastyrylatyn kórsetilim memlekettik merekege oraılastyrylyp otyr.
