«Anaǵa aparar jol» fılmi Nıý-Iorkte ótken kınofestıvalda úzdik dep tanyldy
ASTANA. QazAqparat - Qazaqstandyq rejısser Aqan Sataevtyń «Anaǵa aparar jol» kartınasy Nıý-Iorkte ótken kınofestıvalda úzdik kórkem fılm dep tanyldy, dep habarlaıdy QazAqparat tilshisi.
«Men bizdiń «Anaǵa aparar jol» fılmimizdiń Nıý-Iorktegi eýrazııalyq kıno kınofestıvalnde úzdik kórkem fılm retinde tanylǵandyǵyn qýana habarlaımyn»,-dep bólisti qýanshymen rejısser Aqan Sataev óziniń Instagram jelisindegi paraqshasynda.
Onyń sózinshe, festıvalda fılmniń prodıýseri Álııa Nazarbaeva «Eýrazııa áıelderi kınoda» nagradasyn alǵan, al Altynaı Nógerbek eń úzdik aktrısa atandy.
Osyǵan deıin Bishkekte «Aq ilbis» VI Ulttyq syılyǵyn tapsyrý rásiminde «Anaǵa aparar jol» fılmi «Ortalyq Azııadaǵy úzdik fılm» atanǵan bolatyn. Onda «Anaǵa aparar jol» «Ortalyq Azııanyń úzdik fılmi», «Ortalyq Azııanyń úzdik akteri» (Ádil Ahmetov), «Ortalyq Azııanyń úzdik aktrısasy» (Altynaı Nógerbek) atty úsh atalymǵa usynylǵan edi.
Bul fılm sonymen qatar 38-shi Máskeý halyqaralyq kınofestıvali men «Eýrazııalyq kópir» halyqaralyq kınofestıvalnde kórsetildi jáne atalmysh baıqaýlarda Altynaı Nógerbek «Úzdik áıel róli» ataǵyn jeńip aldy.
Buǵan qosa, tarıhı drama «Synshylar tańdaýy» (Vybor krıtıkov) kınosyılyǵynyń úsh ataǵyn jeńip aldy. Olardyń arasynda «Úzdik áıel róli» syılyǵyna Altynaı Nógerbek, «Ekinshi plandaǵy úzdik áıel róli» syılyǵyna Arýjan Jazylbekova laıyqty dep tabylsa, «Fılmge jazylǵan úzdik mýzyka syılyǵy» Álim Zaırov pen Roman Vıshnevskııge buıyrdy.
Eske sala keteıik, «Anaǵa aparar jol» fılminde ómir jolynda kóptegen qıyndyqtardy bastan ótkergen adamnyń taǵdyry baıandalady. Onyń ómir jolynda kezdesken qıyndyqtardyń barlyǵyn eńserýine óziniń anasyna degen mahabbaty kómektesedi. Basty keıipkerdiń ómir joly arqyly kartınada qazaq halqynyń taǵdyr talaıy kórinis tapqan.
Túsirilimder elimizde jáne Ázerbaıjan, Belarýs sııaqty memleketterde ótken. Basty rólderdi Altynaı Nógerbek, Ádil Ahmetov, Arýjan Jazylbekov pen Erkebulan Daıyrov somdaıdy.
Rad soobşıt, chto nash fılm «Doroga k materı» prıznan lýchshım hýdojestvennym fılmom na Nıý-Iorkskom kınofestıvale Evrazııskogo kıno! Takje Alııa Nazarbaeva polýchıla za nego nagradý "Evrazııskıe jenşıny v kıno", a Altynaı Nogerbek @nogerbek prıznana lýchsheı aktrısoı! #kazakhfilm #dorogakmaterı #aliya_nazarbayeva_zhandanu #sataifilm #podderjımKZkıno
