«Anaǵa aparar jol» fılmi 29 qyrkúıekte prokatqa shyǵady
ASTANA. QazAqparat - Rejısser Aqan Sataevtyń «Anaǵa aparar jol» fılmi 29 qyrkúıekte úlken prokatqa shyǵady.
Bul týraly rejısserdiń ózi áleýmettik jelilerde kartınanyń treılerin jarııalap, Instagram-da habarlady. Fılmdi jasaýshylardyń aıtýynsha, «Anaǵa aparar jol» kóptegen ómir synaqtarynan ótken adamnyń taǵdyry týraly áńgimeleıdi. Barlyq qıyndyqtardy jeńýge oǵan ana mahabbaty kúsh beredi. Keıipkerdiń ómir joly arqyly kartınada qazaq halqynyń tarıhı kezeńderi kórsetilgen.
Fılmniń túsirilimi Qazaqstanda, Ázerbaıjanda jáne Belarýsta ótti. Basty rólderdi Altynaı Nógerbek, Ádil Ahmetov, Arýjan Jazylbekova jáne Erkebulan Daıyrov somdady.
«Anaǵa aparar jol» tarıhı dramasy QR Mádenıet jáne sport mınıstrliginiń tapsyrysymen túsirilgen, bas prodıýseri - Álııa Nazarbaeva.
