«Ana jáne bala ulttyq zertteý ortalyǵy» AQ-nyń atqarýshy dırektorynyń ústinen qozǵalǵan qylmystyq is tergelýde - Qarjy polıtsııasy
ASTANA. 5 sáýir. QazAqparat - «Ana jáne bala ulttyq zertteý ortalyǵy» AQ-nyń atqarýshy dırektorynyń ústinen qozǵalǵan qylmystyq is tergelýde.
Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
Onyń atap ótýinshe, memlekettik satyp alýlar boıynsha tenderlerdi utýǵa kómek kórsetkeni úshin para alý sheneýnikterge kásipkerlerdiń arqasynda zańsyz baıýynyń taǵy bir keń taraǵan joly bolyp otyr.
Máselen, Qarjy polıtsııasy «Ana jáne bala ulttyq zertteý ortalyǵy» AQ atqarýshy dırektory T.Ordabaevqa qatysty qylmystyq isti tergeýde.
«Ol JShS-lardyń biriniń dırektorynan memlekettik satyp alý boıynsha saıystyń jeńimpazy ataný úshin 1 mln. 700 myń teńge para alǵan degen aıyppen qamaýǵa alyndy. Qazirgi ýaqytta onyń basqa da sybaılas jemqorlyq qylmystardy jasaýǵa qatystylyǵy tekserilýde», - dedi ol.
