«Ana úıi» daǵdarysqa ushyraǵan jas analardyń elý paıyzynyń otbasyna oralýyn qamtamasyz etti
ASTANA. QazAqparat -Búgin «Ana úıi» Qoǵamdyq qory eki jyldyq qyzmetiniń qorytyndylaryn shyǵaryp, ózderiniń damý baǵytyn saralady. Budan bólek Qordyń aldaǵy damý strategııasyndaǵy ózgerister bekitildi.
«Qordyń belsendi qyzmet etken eki jyly ishinde respýblıkamyzda 1007 bala balalar úıinen alyndy. Óıtkeni, bul degenińiz elimiz boıynsha jetim balalar sany ǵana emes, balalar úıleriniń sany da tómendeı bastady degen sóz», - dedi «Ana Úıi» Qoǵamdyq qory bastamashylarynyń biri Aıdyn Rahymbaev. Onyń sózine qaraǵanda, Qordyń damý strategııasyndaǵy mańyzdy ózgeristerdiń biri daǵdarys ortalyqtarynyń formatyn áıel-analar úshin 18-den 22-ge deıin arttyrýda bolyp otyr. ıAǵnı, qamqorlyqqa alynatyn analar sany da arta túspek. Aıta keterligi, daǵdarys ortalyǵy qyzmetiniń tıimdiligin óz otbasyna oralǵan áıelderdiń kórsetkishimen túsindirýge bolady. Máselen, bıyldyń ózinde «Ana Úıi» óz qamqorlyǵyna alǵan jas analardyń elý paıyzyn otbasyna oralýyn qamtamasyz etken.
«Sóz joq, «Ana Úıin» damytý respýblıkalyq statıstıkaǵa áser etedi. Máselen, Bilim jáne ǵylym mınıstrliginiń derekteri boıynsha aǵymdaǵy jyldyń ózinde Qazaqstandaǵy jetimder úıinde tárbıelenýshiler sany on paıyzǵa azaıǵan», - deıdi joba áriptesteriniń biri «Tsesnabank» AQ basqarma tóraǵasy Dáýren Jaqsybek.
Toqtala ketetin jaıt, «Ana Úıi» aldaǵy ýaqytta ózine qamqorlyqqa alynǵandardy eń joǵary áleýmettik beıimdeýge kúsh jumyp, bilim baǵdarlamalarymen de qamtymaq. ıAǵnı, endi árbir «Ana Úıinde» daǵdarys ortalyǵyna túsken jas analardy býhgalterııa, qonaq úı bıznesi, tigin sheberligi, kompıýterlik saýattylyq, shashtaraz óneri sekildi mamandyqtarǵa oqytylady. «Bundaı standarttardy barlyq 27 úıge engizýdi josparlaımyz. Bizdiń maqsatymyz jalǵyz basty analarǵa qol ushyn berip, olarǵa pana bolý ǵana emes, olardyń erteńgi kúnine degen senimdi berik etý», - deıdi Qordyń atqarýshy dırektory Nádııa Borambaeva. Onyń sózine qaraǵanda, búgingi tańda kámelettik jasqa tolmaǵan jas analar máselesi óte ózekti bolyp otyr. Máselen, eki jyl ishinde «Ana Úıine» kámeletke tolmaǵan analar túsýiniń 15 oqıǵasy tirkelgen.
