«Ana úıi» 1200-den astam tastandy balany qamqorlyǵyna aldy
Qazaqstanda «Ana úıi» jobasyn júzege asyrý barysynda 1200-den astam bala jetimdikten qutqarylǵan.
«2015 jyldyń qorytyndysy boıynsha bizde qazir 26 «Ana úıi» jumys isteıdi. Bizdiń joba Qazaqstannyń 17 qalasynda júzege asyrylyp jatyr. Bolashaqta bul joba basqa da qalalarda qolǵa alynatyn bolady. Qazirdiń ózinde bizge Reseıden jáne Qyrǵyzstannan habarlasyp jatyr», - dedi jobanyń bastamashysy jáne quryltaıshysy Aıdyn Rahymbaev.
Uıymdastyrýshylardyń aıtýynsha, jobanyń arqasynda nárestesinen bas tartý oqıǵalarynyń 51 paıyzyn alyn alýǵa qol jetkizildi, ıaǵnı jas analar nárestelerin qaıta baýyryna basty. Jas qyzdardyń 70 paıyzy «Ana úıi» jobasyn jaqsy biledi.
Joba aıasynda jas analar úshin bilim berý baǵdarlamalary ázirlengen (mektep baǵdarlamasy, býhgalterler, aspazdar, tátti taǵam daıyndaıtyn mamandar, shashtaraz kýrstary).
Joba áriptesteri jumysqa turǵyzýǵa da kómektesedi.
Aıdyn Rahymbaev sondaı-aq 2016 jylǵa arnalǵan josparymen bólisti.
Bıyl «Ana úıi» qory áleýmettik jetimdikti aldyn alý maqsatynda eki baǵytty damytpaq nıette. Birinshisi - jas analardy óz nárestelerinen bas tartqyzbaý jolyndaǵy jumystardy jalǵastyrý, ekinshisi - jobany jańa deńgeıge kóterý.
ıAǵnı, Qor memlekettik balalar úılerinen bala asyrap alý úderisine qoldaý kórsetetin bolady.
Árbir oblys ortalyǵyndaǵy óńirlik «Ana úıleriniń» bazasynda asyrap alýshy ata-analar Mektebi men bala asyrap alýǵa qoldaý kórsetý Ortalyǵy jáne derekqor bazasy qurylady.
Sondaı-aq, qamqorshylar qor qyzmeti arqyly Qazaqstanda balalar úılerin azaıtýǵa qol jetkizýdi, qıyn jaǵdaıǵa tap bolǵan jas qyzdar jaıynda áleýmettik rolıkter men telehıkaıalar túsirýdi josparlap otyr.
