Ana sútimen qorektengen bala ósken soń jumysta jetistikke jetedi
ASTANA. 26 maýsym. QazAqparat - Eger balaǵa emshek emizse, ana súti balanyń ıntellektýaldy damýyna jaǵymdy áser etetin bolǵandyqtan, onyń mansapqa oıdaǵydaı jetýine barlyq múmkindikteri bar, dep habarlady reseılik "Jańalyqtar" aqparattyq agenttigi London Ýnıversıteti kolledjiniń zertteýlerine silteme jasap.
Ǵalymdar 1958 jyly týǵan 17400-den astam adamnyń jáne 1970 jyly týǵan 16700-den astam adamnyń ómirine taldaý jasap, olardyń áleýmettik mártebesin salystyrdy. Sondaı-aq, zertteýshiler synalyp otyrǵandardyń ómir súrgen alǵashqy jyldaryndaǵy tamaqtanýyn, ıntellektýaldy qabiletterin jáne sabyrlylyǵyn baǵalady. Nátıjesinde, kelesi zańdylyq anyqtaldy: 1958 jyly 68% ana emshek emizgen, al 1970 jyly - 36% ǵana. Ana sútimen qorektengen balanyń mansapqa jetýi jıi kezdesken.
Sáıkesinshe, emshek emizý áleýmettik satymen joǵarylaý yqtımaldyǵyn 24%-ǵa arttyrady jáne áleýmettik quldyraý táýekelin 20%-ǵa tómendetedi. Zııatkerlik qabileti erekshe jáne sabyrly adamdar kóbine ana sútimen qorektengen.
