Ana súti - balanyń durys damýynyń kepili
Qaýymdastyq ókilderiniń aıtýynsha, náreste týǵannan keıin múmkindiginshe tezirek anasynyń keýdesine jatqyzylýy kerek. Alǵashqy aılarda ana sútinen basqa suıyqtyqtar men taǵamdardy, tipti qaınatylǵan sýdy da berýdiń qajeti joq. Óıtkeni balanyń isheginde as qorytý fermentteri áli joq jáne ol basqa taǵam túrlerin sińire almaıdy. Alǵashqy alty aıda tek ana sútimen tamaqtandyrý náresteni dıareıadan, anemııadan jáne basqa aýrýlardan qorǵaıdy. Balaǵa shaı berýge bolmaıdy, óıtkeni ol anemııa týdyrýy múmkin. Árbir áıel balasyna jetkilikti sút bere alatynyna senimdi bolýy kerek. Onyń súti balaǵa árqashan sapaly jáne tolyqqandy tamaqtaný bolyp tabylady. Emizý anaǵa aýyrsynýdy týdyrmaıtyndyǵyna kóz jetkizý kerek. Eger bala emizgende áıeldiń bir jeri aýyrsa, onda ol balany durys emizbegen. Mundaı jaǵdaıda medıtsına mamandarynyń keńesine júginý qajet.
«Bala keminde 2 jasqa deıin ana sútmen tamaqtanýy qajet. Ana súti - bul náreste úshin tolyqqandy tamaqtaný, ınfektsııalardan qorǵaný, psıhomotorly jáne emotsıonaldy damýy, bala men ananyń baılanysy»,-deıdi mamandar.
Foto: thirdage.com