Ana sábıin qutqarý úshin avtomobıl dońǵalaǵynyń astyna tústi
ASTANA. QazAqparat - Reseıdiń Saratov oblysynda ana balasyn ajaldan aman alyp qalý úshin avtomobıl dońǵalaǵynyń astyna qulady.
Balakovo eldi mekeninde oqys oqıǵa oryn aldy. Bir áıel ádeıi avtomobıl dońǵalaǵynyń astyna túspekke umtyldy.
Keıinnen belgili bolǵandaı, 5 qarashada №1 qalalyq emhana mańynda bir áıel ornynan kúrt qozǵalǵan mashınanyń kapotyna qulaǵan. Óıtkeni, júrgizýshi sol mezette ózge kólikten shyǵa kelgen balany ańǵarmaǵan. Sábı mashınanyń sol jaǵynda bolǵandyqtan tipti ony baıqamaǵan da. Qyz bala anasyn kórgen sátte dereý oǵan qaraı tura júgirgen. Budan qatty qoryqqan ana osyndaı áreketpen avtomobıldi toqtatýdy uıǵardy. Bir qýanyshtysy, bul oqys oqıǵadan eshkim de zardap shekken joq.
