Ana óliminiń artýy koronavırýspen baılanysty boldy - Ajar Ǵınııat

NUR-SULTAN. QazAqparat – Jyldyń alǵashqy toqsanynda elimizde ana men bala ólimi kúrt azaıǵan. QR Densaýlyq saqtaý mınıstri Ajar Ǵınııat muny koronavırýs ınfektsııasynyń ekpini qaıtqanymen baılanystyryp otyr, dep habarlaıdy QazAqparat tilshisi.

«Koronavırýs ınfektsııasynan júkti áıelder kóz jumǵan bolatyn. Óıtkeni júkti áıelderde koronavırýs aýyr ótken edi. Olardyń fızıologııalyq jaǵdaıy da aýrýdyń keń taralyp, jyldam asqynýyna sebep bolǵanyn túsinip otyrsyzdar», - dedi Ajar Ǵınııat Senat otyrysynan keıin ótken brıfıngide.

Aıtýynsha, pandemııa kezinde ana ólimi álem boıynsha 3-4 ese artqan. Dúnıejúzilik densaýlyq saqtaý uıymynyń deregin keltirgen mınıstr pandemııaǵa deıin ana ólimi óte az tirkeletin elderdiń ózinde bul kórsetkish 3-4 ese óskenin atady. ıAǵnı, jalpy álemde ana óliminiń artýy koronavırýspen baılanysty.

«Bul vırýs bolǵandyqtan balasyń ba, jassyń ba, kárisiń be, júkti anasyń ba – qaramady. Jap-jas, deni saý adamdar da kóz jumyp jatty. Al júkti áıelderdiń fızıologııalyq jaǵdaıy ınfektsııanyń tez damýyna yqpal etip, qaıǵyly jaǵdaılardyń kóbeıýine sebepshi boldy. Dúnıejúzilik densaýlyq saqtaý uıymy júrgizgen barlyq taldaýlar álemde, sonyń ishinde Qazaqstanda da bul kórsetkish byltyr óskenin kórsetedi. Qańtar aıynda koronavırýs ınfektsııasynyń besinshi tolqyny bolǵanyna qaramastan, birinshi toqsanda bul kórsetkish kúrt tómendedi. Ana óliminiń ósýi koronavırýs ınfektsııasymen baılanysty», - dedi mınıstr.

Ajar Ǵınııat bıyl birinshi toqsanda Qazaqstanda ana ólimi kúrt azaıǵanyn atap ótti.

«Birinshi toqsanda Atyraý, Pavlodar sııaqty ana óliminiń kórsetkishi joǵary oblystarda qaıǵyly jaıttar tirkeldi. Jalpy bul qaıǵyly oqıǵalar bosandyrýǵa qajet jańa nemese qymbat tehnıkanyń bolmaýymen baılanysty emes. Ólimniń negizgi sebepteriniń biri halyqtyń densaýlyǵyna jáne perınataldyq ortalyqtarda nemese perzenthanalarda ýaqtyly kómek alýǵa nemquraıly qaraıtynymen baılanysty.

Jyl saıyn maqsatty transfertter arqyly, respýblıkalyq bıýdjet arqyly árbir óńirge belgili bir aqsha bólinedi. Bıyl medıtsınalyq jabdyqtardy satyp alýǵa 50 mlrd teńge josparlanǵan. Onyń ishinde biz bosanatyn áıelderge jáne balalar uıymdaryna basymdyq beremiz», - dedi Ajar Ǵınııat.

Onyń málimetinshe, sońǵy eki jylda perzenthanalar men perınataldyq ortalyqtardyń jabdyqtalýy 80-90%-ǵa jetken.

«Óńirler bul baǵytta jumys istep jatyr. Biraq tehnıkanyń aty – tehnıka. Táýligine 24 saǵat jumys isteıtin apparattar, ýltradybystyq zertteý apparattary jyl saıyn jańartýdy qajet etedi» - dedi mınıstr.

Aıta keteıik, búgin Senattyń jalpy otyrysynda «Qazaqstan Respýblıkasynyń bıologııalyq qaýipsizdigi týraly» Qazaqstan Zańy qabyldandy. https://kaz.inform.kz/news/senat-biologiyalyk-kauipsizdik-turaly-zan-kabyldady_a3927833