Ana men balany qorǵaý tujyrymdamasy ázirlenip jatyr
ASTANA. QazAqparat – Qazaqstan Respýblıkasyndaǵy ana men balany qorǵaý tujrymdamasy ázirlenip jatyr. Bul jaıynda Senat depýtattarynyń saýalyna QR Premer-Mınıstri Álıhan Smaıylovtyń jaýabynda aıtylǵan, dep habarlaıdy QazAqparat tilshisi.
Balalary bar otbasylardyń zańdy múddelerin qorǵaý, balalardy qosa alǵanda barlyq qazaqstandyq úshin ómir sapasynyń joǵary standartyna qol jetkizý memlekettik saıasattyń negizgi baǵyttarynyń biri sanalady. Ol 2050 jylǵa deıingi Qazaqstannyń damý strategııasynda, 2025 jylǵa deıingi Qazaqstannyń ulttyq damý josparynda, 2030 jylǵa deıingi Qazaqstan Respýblıkasynyń áleýmettik damý tujyrymdamasynda, «Deni saý ult» árbir azamatqa densaýlyq saqtaýdyń sapaly ári qoljetimdiligi» ulttyq jobasynda kórinis tapqan», - dedi Úkimet basshysy jaýabynda.
Onyń atap ótýinshe, 2024 jyldyń 1 qańtarynan «Ulttyq qor - balalarǵa» jańa jobasyn iske qosý josparlanǵan. Joba aıasynda balalardyń arnalýy jınaqtaýshy eseshotyna olar 18 jasqa tolǵanǵa deıin Ulttyq qordyń jyl saıynǵy ınvestıtsııalyq tabysynyń 50 paıyzy aýdarylyp otyrady.
«Memleket basshysynyń tapsyrmasyn oryndaý úshin Qazaqstan Respýblıkasyndaǵy ana men balany qorǵaý tujrymdamasy (2023 jyly qabyldaý josparlanyp otyr) ázirlenip jatyr. Balalar jylyn ótkizý aıasynda 2027 jylǵa deıingi Balalardyń múddesine oraı ulttyq joba árileý máselesi pysyqtalýda. Ol balanyń ıgiligine arnalǵan keshendi is-sharalardy qamtıdy. Buǵan qosa, balalardyń aman-saýlyǵyn monıtorıngileý ulttyq jobasyn qalyptastyrý jne balalardyń ıgiligine baǵyttalǵan ulttyq saıasattyń tıimdiligin baǵalaý maqsatynda jyl basynan beri barlyq óńirde balalardyń aman-saýlyǵy ındeksi júzege asyrylyp jatyr», - dedi Álıhan Smaıylov.
