Ana men bala ulttyq ǵylymı ortalyǵynda bedeýlik máselesi boıynsha sabaqtar ótedi
ASTANA. QazAqparat - Ana men bala ulttyq ǵylymı ortalyǵynda 27 tamyzdan bastap, EKU (ekstrakorporaldy uryqtandyrý) mektebi jumys isteıdi. Bul týraly ortalyqtyń baspasóz qyzmetinen habarlady.
EKU mektebi - bolashaq ata-analar men qosalqy reprodýktıvtik tehnologııalar týraly bilgisi keletin jandarǵa arnalǵan. Munda bedeýliktiń sebebin bilgisi kelgen erli-zaıyptylar bilikti mamandarǵa suraq qoıyp, jaýap ala alady.
Onda akýsher-gınekolog, reprodýktolog, embrıolog, ýrolog dárigerler jumys isteıdi.
Alǵashqy sabaq «Bedeýlik: sebepteri, dıagnostıka túrleri men sheshý joldary» taqyrybyna boıynsha ótedi. EKU mektebi - bedeýlikti saýatty jolmen emdeýge baǵyttalǵan. Mektep otyrysyna qatysý tegin, oǵa EKU týraly bilgisi keletin kez-kelgen jan qatysa alady. EKU mektebine 8(7112)-70-14-31 telefony arqyly aldyn ala jazylýǵa bolady.
