Ana men bala ulttyq ǵylymı ortalyǵynda Ashyq esik kúnderi ótedi
ASTANA. 9 naýryz. QazAqparat /Janna Qorqytova/ - 10-10 naýryz kúnderi Astanadaǵy Ana men bala ulttyq ǵylymı ortalyǵynda bala kótermeı júrgen otbasylarǵa arnalǵan Ashyq esik kúnderi ótedi, dep habarlady ortalyqtyń baspasóz qyzmetinen.
«Belsizdik problemasy tek medıtsınalyq emes, áleýmettik jáne psıhologııalyq mazmundaǵy problema bolyp tabylady. Aı saıyn bizdiń Ortalyqqa belsizdiktiń túrli problemasyna ushyraǵan 1 myńǵa jýyq adam keledi», - delingen ortalyqtyń habarlamasynda.
Statıstıkalyq derekterge súıensek, qazaqstandyq otbasylyq juptardyń 14-18 paıyzy balasyz eken. Astanada 1,5 myńǵa jýyq otbasyna osyndaı belsizdik dıagnozy qoıylyp otyr. Al Qazaqstan boıynsha árbir onynshy áıel jasandy jolmen bala kóterýdi, al árbir 35-shi áıel - balalar úıinen bala asyrap alýdy oılanady eken.
«Bizdiń Ortalyq ashylǵaly beri ekstrakorporaldy uryqtandyrý ádisimen 90-nan astam náreste dúnıege keldi. Memleket tarapynan bólingen kvota boıynsha, 2010 jyly EKO boıynsha 12 náreste týylǵan», - delingen ortalyqtyń baspasóz baıanynda.
10-11 naýryz kúni kez-kelgen jup ortalyqqa kelip, mamandardyń keńesterin tegin ala alady.
