«Ana men bala» ulttyq ǵylym ortalyǵyna jańa basshy taǵaıyndaldy
ASTANA. 29 qańtar. QazAqparat - «Ana men bala» ulttyq ǵylym ortalyǵynyń basqarma tóraıymy qyzmetine Tamara Voşenkova taǵaıyndaldy, dep habarlaıdy atalmysh ortalyqtyń baspasóz qyzmeti.
Esterińizge sala keteıik, T.Voşenkova osyǵan deıin «Ulttyq medıtsına holdıngi» aktsıonerlik qoǵamynyń basqarma tóraǵasynyń orynbasary qyzmetin atqaryp kelgen bolatyn. T.Voşenkova Shyǵys Qazaqstan oblysynda týylǵan. 1982 jyly Qaraǵandy memlekettik medıtsınalyq ınstıtýtyn «pedıatrııa» mamandyǵy boıynsha támámdaǵan. Osy jyly Qaraǵandy qalasynyń № 2 birlesken balalar arýhanasynda ýchaskelik pedıatr qyzmetin atqarǵan. 1989 jyly osy aýrýhananyń bólimderiniń birine meńgerýshi boldy. Odan keıingi jyldary Qaraǵandy qalalyq densaýlyq saqtaý bóliminiń bas pedıatry, «Qaraǵandy oblysynyń densaýlyq saqtaý basqarmasy» memlekettik mekemesi bastyǵynyń emdeý-saýyqtyrý jónindegi orynbasary, Densaýlyq saqtaý vıtse-mınıstri qyzmetterin atqarǵan. «Shapaǵat» medaliniń ıegeri.
