Ana men bala ólimi tótenshe jaǵdaı retinde qarastyrylýy tıis - S.Ahmetov
ASTANA. 20 tamyz. QazAqparat - Ana men bala ólimi tótenshe jaǵdaı retinde qarastyrylýy tıis.
Bul týraly búgin Úkimettiń selektorlyq rejimdegi otyrysynda QR Premer-Mınıstri Serik Ahmetov aıtty.
Úkimet basshysynyń paıymynsha, búgingi qarastyrylǵan ana men bala ólimin tómendetýge arnalǵan máseleler jaman kórsetkishti pash etip otyrǵan joq. Degenmen, árbir óńirge ana men bala ólimin tómendetýge múmkindik beretin is-sharalardy tyńǵylyqty atqarýǵa tapsyrma berý qajet.
«Ana men bala ólimi tótenshe jaǵdaı retinde qarastyrylýy tıis. Densaýlyq saqtaý mınıstrligi árbir oqıǵany zertteýi kerek. Degenmen, saraptama óte tyńǵylyqty júrgizilýi qajet», - dedi S.Ahmetov.
Onyń sózine qaraǵanda, 1970 jyldan beri respýblıkada ana men bala ólim-jitimi shamamen 4 esege tómendep otyr.
