Ana men bala ólimi bolǵan Jarkenttegi aýrýhananyń bas dárigeri jumystan ketti
TALDYQORǴAN. QazAqparat - Almaty oblysynyń Panfılov aýdandyq aýrýhanasynyń bas dárigeri Tóleý Sarpekov óz erkimen jumystan ketti, dep habarlaıdy QazAqparat tilshisi.
Bul jóninde «QazAqparat» tilshisine Almaty oblystyq Densaýlyq saqtaý basqarmasynyń basshysy Ómirzaq Nııazbekov málimdedi.
«Panfılov aýdandyq aýrýhanasynyń bas dárigeri Tóleý Sarpekov óz erkimen densaýlyǵyna baılanysty jumystan ketti», - dedi Ó. Nııazbekov.
Basqarma basshysynyń aıtýynsha, Sarpekovtyń jumystan ketýine jaqynda bolǵan ana men bala óliminiń qatysy joq.
«Ana men bala ólimine baılanysty saraptama qorytyndysy áli shyqqan joq», - dedi Ó. Nııazbekov.
Esterińizge sala keteıik, osydan eki apta buryn, ıaǵnı sáýir aıynda Jarkent perzenthanasynda ana men bala kóz jumdy. Úshinshi balasyn bosanýy tıis bolǵan Janar Baratovadan qan toqtamaı, jas kelinshek kóz jumdy. Al osydan 10 aı buryn ǵana dál osy perzenthanaǵa bosanýǵa barǵan Balnur esimdi kelinshek sábıimen birge qaıtys boldy.
