«Ana degen teńdesi joq ulylyq!»: Analardy kitaphanashylar quttyqtady
ALMATY. QazAqparat - Almaty qalalyq Ortalyqtandyrylǵan kitaphana júıesiniń №4 kitaphana bólimshesi kóktemniń Alǵys aıtý kúni men Halyqaralyq Áıelder kúnine arnalǵan «Ana degen teńdesi joq ulylyq!» atty merekelik benefıs uıymdastyrdy, dep habarlaıdy QazAqparat tilshisi.
Alǵys aıtý kúnine oraı kóp jyldyq tyǵyz shyǵarmashylyq seriktesterge alǵys hattar men syılyqtar tapsyryldy. Kitaphanalyq benefıstiń barlyq basty keıipkerleriniń ǵıbratty ómir joldary men eńbektegi tabystary, kitaphanamen shyǵarmashylyq baılanystary arnaıy daıyndalǵan slaıd-prezentatsııalar arqyly tanystyryldy. Mádenı shara aıasynda ekrannan kóktem, Alǵys aıtý kúnine, Halyqaralyq áıelder merekesine arnalǵan fotoetıýdter, slaıd-prezentatsııalar, vıdeorolıkter kórsetildi.
Іs-sharaǵa kásipker, «Moınaq GES-qurylysy úshin» medaliniń, Reseıdiń «Qurmet juldyzy» ordeni men basqa da kóptegen marapattardyń ıegeri Kenjına Nasıha, 40 jyldan astam ónegeli ómirin kitaphana isin órkendetýge arnaǵan qurmetti kitaphanashy Mananbaeva Kúlásh, ulaǵatty ustaz, P.Chaıkovskıı atyndaǵy mýzyka kolledji dırektorynyń tárbıe isi jónindegi orynbasary Rahymbaeva Gúlnar, №67 jalpy bilim beretin mekteptiń dırektory, «Qazaqstan Respýblıkasy bilim berý isiniń qurmetti qyzmetkeri» Demeýova Beıbitkúl, baspager, «Óner» baspasy dırektorynyń orynbasary Ospanova Qarlyǵash, Almaty qalasy Mádenıet basqarmasynyń kreatıvti ındýstrııa bóliminiń bas mamany Muhtarova Zarına, Almaty Polıgrafııa kolledjiniń kitaphana meńgerýshisi Jumabaeva Farıda, №140 Muqaǵalı Maqataev atyndaǵy gımnazııanyń ustazy Satymbaeva Láılá qatysty.
Sondaı-aq, №67 jalpy bilim beretin mekteptiń oqýshylary men Almaty Polıgrafııa kolledjiniń, Almaty qarjy-quqyq kolledjiniń stýdentteri men ustazdary qatysty.
Merekelik mádenı is-shara barysynda sóz alǵan qurmetti qonaqtar júrekjardy quttyqtaý lebizderin bildirip, kitaphana qyzmetkerlerine alǵystaryn aıtty. Kitaphana meńgerýshisi Saǵyn Imanbaeva kelgen qonaqtarǵa syı-sııapat kórsetip, Alǵys hattarmen marapattady.
Mádenı shara aıasynda №140 Muqaǵalı Maqataev atyndaǵy gımnazııanyń balǵyn balalary «Analarǵa myń alǵys!» atty ádebı kompozıtsııany tartý etti.
№67 jalpy bilim beretin mekteptiń daryndy oqyrmandary shaqyrylǵan qonaqtarǵa aq tilekterin arnap kóktem, ana týraly óleńder oqyp berdi. P.Chaıkovskıı atyndaǵy mýzykalyq kolledjdiń 2 kýrs stýdentteri Djýmartov Baǵjan men Qarabalaev Muratjan kúmbirletip kúıden shashý shashty, áýezdi ánderimen tebirentti. Atalmysh keshtiń tizginin ustaǵan aıtysker jas aqyn Altynbek Ibragımov názik jandylarǵa arnaýyn usynyp, án-jyrdan shashý shashty.
