Ana atanýǵa eń qolaıly jas qandaı

ASTANA. KAZINFORM – Ana bolýǵa eń qolaıly jas qandaı? Bul týraly «EKOMED» adam reprodýktsııasy klınıkalary toby men «NGC» Halyqaralyq reprodýktsııa ortalyǵynyń ǵylymı dırektory Saltanat Baıqoshqarova aıtty.

– Bıologııalyq turǵydan qarasaq, jaratylystyń zańy boıynsha áıel adamdar úshin ana atanýǵa eń qolaıly jas 18 ben 25-tiń arasy. 25 jastan keıin organızmde qartaıý protsesteri bastalady. Ulda da, qyzda da solaı. 30-35 jastan keıin tipten qıyndaıdy. Syrt kelbetiń ádemi bolsa da, ishki aǵza, analyq qor jas ulǵaıǵan saıyn azaıa beredi. Sondyqtan erterek otbasyn, quryp, urpaqty bolýǵa tyrysý kerek,-deıdi Saltanat Baıqoshqarova.

Onyń sózinshe, urpaqty bolý múmkindigi áıelderge qaraǵanda er adamdarda kóbirek. Degenmen múmkindiginshe jıi tekserilip otyrý kerek.

– Qyz bala 18 jasqa tolǵanda gınekolog-reprodýktologqa, er bala ýrolog-andrologqa barý kerek. Óıtkeni qazir medıtsınanyń arqasynda ózińniń urpaqty bolý múmkindigiń qanshalyqty ekenin anyqtaýǵa bolady. Dárigerge qaıta-qaıta barýdyń qajeti joq. Tek bir ret tekserilse boldy. Bir tekseristen-aq, qyz balanyń analyq qorynyń óz jasyna sáıkestigin bilýge bolady, - dedi professor.

Ol sózinde reprodýktıvti jastyń negizgi kezeńderi týraly aıtty.

18–29 jas — fertıldilik shaqtyń shyńy. Bul kezde júkti bolý yqtımaldyǵy 20–25%. 30–34 jas — fertıldik deńgeıi birtindep tómendeı bastaıdy. Al, 40 jastan ári qaraı júkti bolý múmkindigi 66%-ǵa deıin tómendeıdi. ıAǵnı, bala kóterý deńgeıi az.

Sondyqtan, bilikti dáriger, bolashaqqa nemquraıly qaramaı, erterek otbasyn quryp, urpaqty bolýǵa talpyný kerektigin aıtady.

Osyǵan deıin krıokonservatsııanyń sanaly ana bolýdy josparlaýdyń senimdi sheshimi ekeni týraly jazdyq.