«Án júregim - Astana!» Qazaqstannyń 7 oblysy úmitkerleriniń basyn qosady
ASTANA. 15 maýsym. QazAqparat - «Án júregim - Astana!» respýblıkalyq án baıqaýyna Astana, Almaty, Qyzylorda, Pavlodar, Ekibastuz, Aqmola jáne Soltústik Qazaqstan oblystarynan 20-dan astam úmitker qatysady, dep habarlaıdy Astananyń 15 jyldyq merekesin ázirleý jáne ótkizý jónindegi uıymdastyrý komıteti shtabynyń medıatoby.
«Án júregim - Astana!» baıqaýynyń bıylǵy jylǵy bir ereksheligi qatysýshylar arasynda úsh dýet (eki dýet egizder) jáne bir trıo bar.
«Án júregim - Astana!» respýblıkalyq án baıqaýynyń ótkizile bastaǵanyna kóp bola qoımasa da, onyń qatysýshylary keńinen tanymal, bedeldi jastardyń Delfıı oıyndary (qola), «Jas Kanat» baıqaýlarynyń dıplomattary men laýreattary, Máskeýdegi «Jańa tolqyn», «Enývıjn-2013» halyqaralyq baıqaýlarynyń jartylaı fınalyna shyqqan júıriktigimen qatar, olardyń kópshiligi ózderi óleń shyǵaryp, án jazatyn aqyndar men mýzykanttar bolyp tabylady.
Eske salaıyq, «Án júregim - Astana!» baıqaýynyń basty maqsaty - Astananyń ımıdjin kóteretin avtorlyq ánderdi taýyp, kompozıtorlar men aqyndardyń, jas oryndaýshylardyń shyǵarmashylyǵyn nasıhattaý jáne jastar arasynda tanylmaı jatqan talanttardy izdep taýyp, jaryqqa shyǵarý, vokaldy, aqyndyq jáne kompozıtorlyq shyǵarmashylyq kúshterdi biriktirý.
