«Án júregim - Astana» gala-kontsertine «KeshYou» toby keledi
ASTANA. 27 maýsym. QazAqparat - «Án júregim - Astana» jas oryndaýshylar arasyndaǵy án baıqaýyna kóptegen óner juldyzdary kelmek.
Olardyń arasynda Maıra Dáýletbaqova, Baqyt Shadaeva, Rústem Nurjigitov, Marjan Arapbaeva, Erkin Máýlen bar. Endi olarǵa «KeshYou» toby da qosyldy. Bul týraly «Báıterek» medıa-ortalyǵy habarlaıdy.
«KeshYou» toby 2006 jyldyń 10 sáýirinde quryldy. Qyzdar Keshıýge qatań kastıng arqyly ótken. Syrt kelbetiniń tartymdylyǵymen qatar olar án shyrqap, bı bıleı alýy kerek bolatyn. Mýzyka álemine batyl qadam basqan top, pop-rok stılin tańdaǵan.
