«Án júregim, Astana!» baıqaýynyń jeńimpazdary anyqtaldy
ASTANA. QazAqparat -Astana kúni qarsańynda «Án júregim, Astana!» respýblıkalyq án baıqaýynyń qatysýshylary tyńdaýshylar nazaryna elorda týraly 25 avtorlyq án usyndy.
Keshe Gala-kontsertte baıqaýda top jarǵan oryndaýshylardyń esimderi ataldy, dep habarlaıdy astana.kz.
Astanalyq «Tengrı» toby úzdik atandy. Ekinshi orynda elordalyq «Umaı» toby jáne úshinshi orynda qostanaılyq Ásel Іrgebaı. Oral qalasynyń ánshisi Nursultan Qarabalıev Gran-prı júldesine ıe boldy.
Aıta ketsek, Bas júldeni enshilegen Astanam ániniń sózin "QazAqparat" halyqaralyq aqparattyq agenttiginiń shef-redaktory Rızabek Núsipbekuly jazǵan bolatyn. Áni Meıirjan Álıakbarovtiki. Sonymen qatar, «Án júregim Astana!» respýblıkalyq án baıqaýynda óner kórsetkeni úshin «Úmit» atalymy boıynsha Ákimhan men Mılana dýeti (Astana q.), ánge ózindik ún qosqany úshin Azamat Sathanov (Pavlodar q.), zamanaýı óner kórsetkeni úshin Aqmarjan Baınazarova (Astana q.), «Úzdik mátin» atalymynda Aıdana Katkeshova (Semeı q.) dıplommen marapattaldy.
«Án júregim, Astana» baıqaýynyń gala-kontsertinde «Arnaý», «Keshıý» toptary, Álı Oqapov, Lýına, Marjan Arapbaeva, Tamara Asar, Marat Omarov, Zarına Omarova, Serik Ibragımov, Erlan Kókeev pen «K7» toby óner kórsetti.
Aıta keteıik, bes jyl boıy atalmysh baıqaý jas oryndaýshylardyń, kompozıtorlardyń jáne avtorlardyń juldyzyn jaǵyp keledi. Osy ýaqyt ishinde Astana týraly 100-den astam án jazyldy. Elordamyz jastardyń shyǵarmashylyǵyna shabyt beredi dep senimmen aıta alamyz.
